სამშენებლო-დეველოპერული კომპანია ,,ელთ ბილდინგი“ ეძებს გუნდის წევრებს ,,სამშენებლო საქმისმწარმოებლის და მისი ასისტენტის“ პოზიციებზე.
კომპანია ,,ელთ ბილდინგი" 2017 წელს შემოვიდა ქართულ სამშენებლო-დეველოპერულ ასპარეზზე და მალევე მოიპოვა აღიარება და ნდობა. კომპანია ფლობს ყველაზე სწრაფად მზარდი ბიზნესის სტატუსა და ჯილდოს.
უძრავი ქონების ჩვენთან შეძენისას მომხმარებლები იღებენ კომფორტული ცხოვრების, დასვენებისა და მომგებიანი ინვესტიციისათვის ყველანაირი პირობას.
ჩვენ ვამაყობთ, რომ წვლილი შეგვაქვს მშენებლობის ახალი სტანდარტების დანერგვასა და განვითარებაში საქართველოში. ისეთი პროექტები, როგორიც არის "ELT Quarter" ბათუმში და "Spanish Quarter" თბილისში, ნამდვილად გვაძლევს ამის თქმის საფუძველს, რადგან ეს არის ახალი სიტყვა, კონცეფცია და მოდელი სამშენებლო დეველოპერული ბაზრის სეგმენტში.
,,ელთ ბილდინგს" უნიკალურს ხდის არა მხოლოდ მაღალი დონის სამშენებლო გამოცდილება და საერთაშორისო სტანდარტების დაცვა, სასტუმროს სტილის სერვისებისა და დიზიანის არსებობა კომპლექსებსა და აპარტამენტებში, არამედ მუდმივი ფოკუსირება მომხმარებლებზე და მათ კმაყოფილებაზე.
სამუშაო გრაფიკი: სრული (კვირაში 40სთ)
ლოკაცია: ბათუმი
ანაზღაურება: გამოცდილების და კვალიფიკაციის შესაბამისად

ორივე პოზიციაზე ჩვენი შემოთავაზებაა:

• კომფორტული სამუშაო გარემო;
• კარიერული განვითარების და წინსვლის შესაძლებლობა;
• ჯანმრთელობის დაზღვევა;
• მენეჯმენტის და გუნდის მხრიდან მუდმივი მხარდაჭერა;
• წახალისების სისტემა;
• მართვის საერთაშორისო გუნდთან მუშაობის შესაძლებლობა;

სამშენებლო საქმისმწარმოებლის ძირითადი ფუნქცია-მოვალეობები:

• სამშენებლო გეგმის შემუშავებაში მონაწილეობის მიღება, საჭირო სამუშაოების და ამ სამუშაოების თანმიმდევრობის დაგეგმვის გზით;
• დამტკიცებული სამშენებლო გეგმის შესაბამისად, ყველა სამშენებლო აქტივობის კოორდინაცია, მათ შორის დაგეგმვის, ბიუჯეტირებისა და რესურსების განაწილების ჩათვლით, რათა უზრუნველყოფილი იყოს პროექტების დასრულება ვადებში და გამოყოფილ ბიუჯეტში;
• სამშენებლო გეგმისა და ბიუჯეტის მიხედვით საჭირო სამშენებლო მუშაკების მოძიება და კონტრაქტის გაფორმების შემდეგ მათი საქმიანობის კონტროლი და კოორდინაცია;
• სამშენებლო მუშაკთა გუნდის/ქვეკონტრაქტორების ზედამხედველობა და მათთვის მითითებებისა და დავალებების მიცემა, პროექტის გეგმით მოცემულ ვადებში და დაწესებული უსაფრთხოებისა და ხარისხის სტანდარტების უზრუნველყოფით შესრულების მიზნით;
• სამშენებლო მუშაკთა გუნდის/ქვეკონტრაქტორების რეგულარული ინსპექტირება შესრულების პროგრესის, სამუშაოს ხარისხისა და სამშენებლო კოდების, რეგულაციებისა და უსაფრთხოების სტანდარტების უზრუნველყოფის მიზნით;
• მშენებლობის პროცესში წამოჭრილი პრობლემებისა და შეფერხებების აღმოფხვრა პროექტის მენეჯერთან, არქიტექტორთან, ინჟინრებთან და სხვა ჩართულ მხარეებთან თანამშრომლობით;
• პროექტის დოკუმენტაციის, გეგმების, ნახაზებისა და სპეციფიკაციების განხილვა და სათანადო ინტერპრეტაცია, რათა უზრუნველყოფილი იყოს მშენებლობის ხელშეკრულებით განსაზღვრული დიზაინისა და სხვა მოთხოვნების დაცვა;
• საპროექტო დოკუმენტაციის წარმოება და არქივირება კომპანიის მიერ განსაზღვრული ფორმითა და წესებით მათ შორის ყოველდღიური ანგარიშები, პროგრესის განახლებები, ცვლილებების ამსახველი და ინციდენტების ჩანაწერები;
• კომპანიის უსაფრთხოების პოლიტიკისა და პროცედურების დაცვის მუდმივი კონტროლი, რაც უზრუნველყოფს უსაფრთხო სამუშაო გარემოს სამუშაო ადგილზე ყველა პერსონალისთვის;
• მასალებისა და აღჭურვილობის მართებული მოხმარების უზრუნველყოფა, რათა მინიმუმამდე იქნას დაყვანილი ნარჩენები და გაიზარდოს პროდუქტიულობა;
• ნებისმიერი პოტენციური რისკის, ან დაბრკოლებას იდენტიფიცირება და აღმოფხვრა, რამაც შეიძლება გავლენა მოახდინოს პროექტის ვადებში შესრულებაზე, ბიუჯეტზე ან ხარისხზე, და მათ შესამცირებლად რეკომენდაციების დროული წარდგენა პროექტის მენეჯერთან;
• ქვეკონტრაქტორებთან, მომწოდებლებთან და სხვა მშენებლობის პროცესში ჩართულ მხარეებთან პოზიტიურ სამუშაო ურთიერთობების ჩამოყალიბება, ეფექტური კომუნიკაციის ხელშეწყობა და ნებისმიერი პრობლემის გადაჭრა, რომელიც შეიძლება წარმოიშვას.

ძირითადი საკვალიფიკაციო მოთხოვნები:

• უმაღლესი განათლება სამოქალაქო ინჟინერიის, ან მონათესავე დარგში.
• 1 წლიანი გამოცდილება სამშენებლო სამუშაოთა წარმოების მართვაში.
• MS Office (Word, Excel) - საშუალო დონეზე
• MS Project - საშუალო დონეზე
• Auto Cad, Archi Cad - დამწყებ დონეზე
• გამართული ზეპირი და წერითი კომუნიკაციის უნარი.

პიროვნული თვისებები და მახასიათებლები:

• ლიდერობის, კომუნიკაციისა და ინტერპერსონალური უნარ-ჩვევები.
• ანალიტიკური და პრობლემის გადაჭრის უნარები.
• სამშენებლო ნორმებისა და სტანდარტების საფუძვლიანი ცოდნა.
• მჭიდრო ვადებში და გუნდში მუშაობის უნარი;
• პუნქტუალურობა და პასუხისმგებლობის მაღალი გრძნობა.

ასისტენტის ძირითადი ფუნქცია-მოვალეობები:

• უმაღლესი განათლება მონათესავე დარგში;
• გამოცდილება სამშენებლო სამუშაოთა მართვაში;
• MS Office (Word, Excel) - დამწყებ დონეზე;

ძირითადი საკვალიფიკაციო მოთხოვნები:

• ბაკალავრის ხარისხი სამოქალაქო ინჟინერიის, ან მონათესავე დარგში.
• 1 წლიანი გამოცდილება სამშენებლო სამუშაოთა წარმოების მართვაში.
• MS Office (Word, Excel) - დამწყებ დონეზე
• MS Project - დამწყებ დონეზე
• გამართული ზეპირი და წერითი კომუნიკაციის უნარი.

პიროვნული თვისებები და მახასიათებლები:

• პასუხისმგებლიანი და დროის მენეჯმენტის უნარით:
• ვადების შესრულების და გუნდში მუშაობის უნარით.

დაინტერესებულ კანდიდატებს გთხოვთ, გამოაგზავნოთ CV ელექტრონული ფოსტის შემდეგ მისამართზე: vacancy@eltbg.com და სათაურის ველში მიუთითეთ ვაკანტური პოზიციის დასახელება ,,სამშენებლო საქმისმწარმოებელი და მისი ასისტენტი“, რათა მოხდეს თქვენი რეზიუმეს განხილვა. სავალდებულოა გამოიგზავნოს ორი რეზიუმე ერთად შესაბამისი დასახელებებით. დაკავშირება მოხდება მხოლოდ შერჩეულ კანდიდატებთან, რომლებიც გაივლიან გასაუბრების ორ ეტაპს.
თუ თქვენ ხართ დაინტერესებული კარიერული განვითარებითა და გაქვთ პრაქტიკული გამოცდილება აღნიშნულ სფეროში, თქვენი ადგილი ჩვენს გუნდშია! შემოგვიერთდით!
წარმატებებს გისურვებთ!