ძველი თბილისის შუაგულში მდებარე, 17 ნომრიანი ბუტიკური ტიპის სასტუმრო Puris Moedani Hotel Tbilisi აცხადებს ადმინისტრატორის ვაკანსიას.
სასტუმრო „პურის მოედანი“ წარმოადგენს თანამედროვე კომფორტისა და ელეგანტურობის განსაკუთრებულ შერწყმას. გარდა კომფორტული განთავსებისა, სასტუმრო სტუმრებს სთავაზობს ტერასას, ულამაზესი ხედებით ძველ თბილისზე, სადაც შესაძლებლობა აქვთ დააგემოვნონ გამორჩეულად დახვეწილი საუზმე და ლუკმა მენიუ, სასტუმრო „პურის მოედანი“, „MP Group Hospitality“ ჰოლდინგის წევრია.

“MP Group Hospitality“ მართავს რამდენიმე სასტუმროს საქართველოში, მათ შორის არის „მარკო პოლო გუდაური“, „ალპინა გუდაური“, „ჰოსტელი ხადა“ გუდაურში და ასევე კაფე რესტორანი „ხიჟინა“ გუდაურში.
დაქვემდებარება: რეგისტრაციების დეპარტამენტის მენეჯერთან
სამუშაო ადგილი: თბილისი, პურის მოედანი, #1 #2
სამუშაო განაკვეთი და გრაფიკი: სრული, 2 სამუშაო და 2 დასვენების დღე, მონაცვლეობით

ფუნქცია-მოვალეობები:

• თავაზიანი და სასიამოვნო, ეფექტური კომუნიკაციის დამყარება სასტუმროს თანამშრომლებსა და სტუმრებთან
• სასტუმროში სტუმრების მიღებისა და განთავსების პროცესის მართვა, დადგენილი სტანდარტების შესაბამისად
• სტუმრის რეგისტრაციისა (Check In) და გაცილების (Check Out) პროცედურების სრულყოფილი მართვა, სასტუმროში დადგენილი სტანდარტებისა და
• ელექტრონული სისტემის შესაბამისად
• ინფორმაციის მიწოდება დაინტერესებულ პირთათვის, სასტუმროს ოთახების, სერვისების, მათი ფასებისა და ხელმისაწვდომობის შესახებ, საჭიროების შემთხვევაში სხვა რელევანტური ინფორმაციის მოძიება და მიწოდება
• სტუმართა საჩივრების მიღება და ეფექტური მართვა
• შემოსული რეზერვაციების, ზარების, წერილების, მეილებისა და სხვა ტიპის კორესპონდენციის მართვა
• სტუმრებისთვის საჭირო სარეგისტრაციო ბარათების, გასაღებების და სხვა საჭირო ინვენტარის/მონაცემების მოგროვება/დამუშავება
• ცვლის დაწყებისა და დასრულების პროცედურების სრულყოფილი მართვა/განხორციელება (მათ შორის ცვლის გადაბარება და ინფორმაციის გაზიარება
• სხვა დეპარტამენტების წარმომადგენლებთან)
• სასტუმროს სტუმრებთან ფინანსური ანგარიშსწორების პროცედურის მართვა, დადგენილი სტანდარტის შესაბამისად
• ეფექტური კომუნიკაციის დამყარება სასტუმროს სხვა დეპარტამენტების წარმომადგენელებთან
• სასტუმროს სერვისებისა და სივრცეების ეფექტურად შეთავაზება სტუმრებისა და საინტერესებული პირებისთვის
• სტუმრის უკუკავშირის მიღება მათი გამოცდილების გაუმჯობესების მიზნით
• გასაუმჯობესებელ საკითხთა ინიცირება უშუალო ხელმძღვანელთან

მოთხოვნები და უნარები:

• პასუხისმგებლიანობა
• გუნდური მუშაობის უნარი
• ორგანიზებულობა, დისციპლინურობა, პუნქტუალურობა
• ეფექტური კომუნიკაციის უნარები
• ინგლისური ენის ცოდნა (დამატებითი უცხოენების ცოდნა ჩაითვლება უპირატესობად)
• კომპიუტერული და საოფისე პროგრამების ცოდნა
• მსგავს პოზიციაზე მუშაობისა და Opera-ს სისტემაში მუშაობის გამოცდილება ჩაითვლება უპირატესობად

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, Puris Moedani Hotel Tbilisi-მ მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად. შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით.

პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.