სს ”სადაზღვევო კომპანია ჯი პი აი ჰოლდინგი” აცხადებს ვაკანსიას ციფრული მარკეტინგის მენეჯერის პოზიციაზე.

სს ”სადაზღვევო კომპანია ჯიპიაი ჰოლდინგი” (www.gpih.ge) არის ევროპის ერთ-ერთი უმსხვილესი სადაზღვევო კომპანიის ვენის სადაზღვევო ჯგუფის (www.vig.com) წევრი და წამყვანი კომპანია საქართველოს სადაზღვევო ბაზარზე. ჩვენ გამოვირჩევით ძლიერი და მეგობრული გუნდით, რომელიც ეფუძნება შემდეგ ფასეულობებს - სამართლიანობა, თანადგომა, პროფესიონალიზმი და პროგრესი. ჯიპიაი ჰოლდინგი გთავაზობთ წარმატებისა და განვითარებისთვის საუკეთესო გარემოს.

პასუხისმგებლობები:

• ციფრული პლატფორმით გაყიდვების მხარდაჭერა და მარკეტინგული კამპანიის განხორციელება;
• ციფრული პორტალის მარკეტინგული აქტივობების დაგეგმვა;
• ციფრული და სტრატეგიული პროექტების კონცეფციისა და ვიზუალური ნაწილის ფორმირებაში ჩართულობა;
• სოციალური მედია სტრატეგიის შემუშავება და განხორციელება;
• არსებული ციფრული პლატფორმების მხარდაჭერა: ინფორმაციის განახლება და პერიოდული მონიტორინგი, ვებგვერდის მართვა/ადმინისტრირება;
• ონლაინ მომხმარებელთა ქცევაზე დაკვირვება, ანალიზი და რეკომენდაციების მომზადება;
• სხვა დავალებები და პასუხისმგებლობები მოთხოვნის შესაბამისად;

მოთხოვნები:

• ქართულ და ინგლისურ ენებზე თავისუფლად კომუნიკაციის უნარი, როგორც წერილობითი, ასევე ვერბალური ფორმით;
• აუცილებელია მსგავს პოზიციაზე მუშაობის გამოცდილება;
• უმაღლესი განათლება (სასურველია მარკეტინგის, ციფრული ტექნოლოგიების, კომუნიკაციის ან/და მულტიმედიის მიმართულებით);
• აუცილებელია პროექტის მართვის ძირითადი პრინციპების ცოდნა;
• Microsoft Office-ის მაღალ დონეზე ცოდნა;

დაინტერესების შემთხვევაში, გთხოვთ წარმოადგინოთ თქვენი CV ქართულ ან ინგლისურ ენაზე შემდეგ ელექტრონულ მისამართზე: jobs@gpih.ge

გთხოვთ, წერილის გამოგზავნისას „Subject line”-ში მიუთითოთ ვაკანსიის დასახელება (ციფრული მარკეტინგის მენეჯერი). წინააღმდეგ შემთხვევაში თქვენი კანდიდატურა არ განიხილება. საბუთების მოწოდების ბოლო ვადაა 2024 წლის 30 ივნისი.

ჯიპიაი ჰოლდინგი გთავაზობთ თქვენზე მორგებულ, დისტანციურ ან ნაწილობრივ დისტანციურ - მოქნილ სამუშაო გარემოს, რომელიც ორიენტირებულია თქვენს უსაფრთხოებასა და კომფორტზე.

კომპანიის შესახებ დამატებითი ინფორმაციისა და მიმდინარე ვაკანსიების სანახავად გამოგვყევით Linkedin-ის გვერდზე: https://www.linkedin.com/company/gpih-vig/