სს „ბანკი ქართუ“ აცხადებს ვაკანსიას კორპორატიული ბანკირის პოზიციაზე კორპორატიული ბიზნესის მომსახურების განყოფილებაში.
ადგილმდებარეობა: ქ.თბილისი

ფუნქცია-მოვალეობები:

• კლიენტსა და ბანკს შორის საქმიანი ურთიერთობის დამყარება და მაღალი ხარისხით მომსახურება;
• პოტენციური კლიენტების მოზიდვა, საბანკო პროდუქტების შეთავაზება;
• კორპორატიული კლიენტების საკრედიტო განაცხადების განხილვა და პირველადი ინფორმაციის მოძიება;
• ანალიტიკოსთან ერთად კლიენტის განაცხადის საფუძველზე პროექტის მომზადება და წარდგენა საკრედიტო კომიტეტზე განსახილველად;
• სესხის გაცემისთვის სრულყოფილი დოკუმენტაციის მომზადება და სესხის გაცემის დადგენილი პროცედურების უზრუნველყოფა;
• საკუთარი საკრედიტო პორტფელის მართვა და ანალიზი, შესაბამისი ანგარიშგების მომზადება ხელმძღვანელობისათვის;
• კლიენტების მოთხოვნის საფუძველზე ბანკის საოპერაციო პროდუქტების სრული სპექტრით უზრუნველყოფა;
• კლიენტის დახმარება საბანკო მომსახურებისას წარმოშობილი ნებისმიერი პრობლემის მოგვარების მიზნით;
• არასტანდარტულ მოთხოვნებზე გადაწყვეტილებების მომზადება და შესაბამისი კომუნიკაცია.

საკვალიფიკაციო მოთხოვნები:

• საბანკო-საფინანსო სექტორში მუშაობის არანაკლებ 2 წლიანი გამოცდილება ფინანსების განხრით
• უმაღლესი განათლება (საბანკო/საფინანსო/მენეჯმენტის/ეკონომიკური განხრით);
• მომხმარებელთა მომსახურების სტანდარტების ცოდნა, ბიზნესკომუნიკაციის წარმოების უნარი;
• ქართული ენის სრულყოფილად, ინგლისური და რუსული ენების მაღალ დონეზე ცოდნა (როგორც წერილობითი, ასევე ვერბალური უნარები);
• Excel-ის სრულყოფილი ცოდნა;
• საბანკო კანონმდებლობის ცოდნა;
• მაღალი პასუხისმგებლობის გრძნობა;
• დროის ეფექტური მართვა, ორგანიზებულობა, გამოხატული ყურადღება დეტალების მიმართ;
• ინიციატივიანობა, კრეატიულობა, ზრუნვა თვითგანვითარებაზე;
• გუნდური მუშაობის უნარი.

დაინტერესების შემთხვევაში, გთხოვთ, წარმოადგინოთ თქვენი CV ქართულ ან ინგლისურ ენაზე, შემდეგ ელექტრონულ მისამართზე: vacancy@cartubank.ge 2025 წლის 14 აპრილის ჩათვლით.

მნიშვნელოვანი: გთხოვთ, გამოგზავნისას "subject line"-ში მიუთითოთ პოზიციის დასახელება, რომელზეც შემოგაქვთ განაცხადი. დაკავშირება მოხდება შერჩეულ კანდიდატებთან.

წინამდებარე შეტყობინების გაცნობით თქვენ ადასტურებთ, რომ ინფორმირებული ხართ და აცხადებთ თანხმობას თქვენი პერსონალური მონაცემების დამუშავების შესახებ (მათ შორის განსაკუთრებული კატეგორიის მონაცემებზე), რომელიც აუცილებელია დასაქმების კანდიდატის შესარჩევად. აღნიშნული მონაცემების დამუშავება აუცილებელია თქვენი კანდიდატურის განსახილველად. თქვენი მონაცემები ცნობილი გახდა თქვენ მიერ წარმოდგენილი დოკუმენტ(ებ)ის, განცხადებ(ებ)ის, აპლიკაციის გამოგზავნით. ასევე, ზეპირი ან/და ელექტრონული შეტყობინების ფორმით წარმოდგენის შედეგად. აღნიშნული მონაცემები შეგროვდება და დამუშავდება ვაკანსიაზე თქვენი განაცხადის განხილვის მიზნით. ასევე, იმ მიზნით, რომ კომპანიამ შესაძლოა სამომავლოდ შემოგთავაზოთ დასაქმება. კანდიდატის პერსონალური მონაცემები შეინახება არაუმეტეს 3 (სამი) წლის ვადით. თუ თქვენ არ ეთანხმებით თქვენი მონაცემების ამ მიზნებით დამუშავებას, დაუკავშირდით კომპანიას საკონტაქტო მონაცემებზე: info@cartubank.ge ან/და ტელეფონის ნომერზე: (+995 32) 200 80 80 და მოითხოვოთ პერსონალური მონაცემების დამუშავების შეწყვეტა, დოკუმენტ(ებ)ის დაბრუნება/წაშლა/განადგურება. თქვენი თანხმობა აუცილებელი პირობაა კომპანიაში ნებისმიერ პოზიციაზე თქვენი კანდიდატურის განსახილველად. წინამდებარე შეტყობინება არ განიხილება შრომით ხელშეკრულებად ან მის ნაწილად.